عنوان: بغیر استحقاق كے اسکالرشپ كی رقم لینے کا حکم

سوال: میں اوبی سی کی فہرست میں آتی ہوں ، کالج میں اسکالر شپ لیتی تھی ، اسکالر شپ کے سالانہ 10000 روپئے ملتے تھے ، مگر مجھے لگتاہے کہ اتنے پیسے میرے والد سالانہ فیس دے سکتے تھے تو کیا یہ میرے لیے اسکالر شپ لینا درست ہے اور اگر غلط تھا تو اس کا ازالہ کیسے کیا جائے؟

جواب نمبر: 17254001-Sep-2020 : تاریخ اشاعت

بسم الله الرحمن الرحيم

Fatwa : 1333-1100/H=12/1440

منشاء سوال شاید یہ ہے کہ آپ اپنے متعلق جانتی ہیں کہ قانونی اعتبار سے اسکالرشپ کی رقم حاصل کرنے کا مجھ کوحق نہ تھا مگر میں بغیر استحقاق کے حاصل کرتی رہی اگر ایسا ہی ہے تو حکم شرعی یہ ہے کہ جتنی رقم جہاں سے لی ہے وہاں واپس کردیں اگر واپس کرنا متعذر ہو تو وہ رقم غرباء فقراء مساکین کو بلانیت ثواب دیدیں۔

-------------------------

اسکالرشپ لینے کے کیا شرائط ہیں ان کی تفصیل لکھ کر سوال کریں تو بہتر ہوگا۔ (ل)