متفرقات >> حلال و حرام
سوال نمبر: 156737
جواب نمبر: 156737
بسم الله الرحمن الرحيم
Fatwa:278-291/N=4/1439
اگر کوئی شخص اپنی ویب سائٹ پر صرف جائز اور مفید اشتہارات کی ایڈور ٹائز کرتا ہے اور اس پر ایڈور ٹائزنگ ویب سائٹس سے پیسے لیتا ہے تو شرعاً یہ کمائی جائز ہے اور جائز اشتہارات کا مطلب یہ ہے کہ اس کی ویب سائٹ پر جو اشتہارات ڈالے جائیں، وہ کسی جائز اور حلال کاروبار یا اسکیم وغیرہ ہی کے متعلق ہوں، ناجائز کاروبار یا اسکیم وغیرہ کے متعلق نہ ہوں، نیز ان اشتہارات میں عورت یا لڑکی یا کسی بھی جان دار کی تصویر نہ ہو، صرف عمارت، درخت وغیرہ کی تصویر ہو یا بالکل کوئی تصویر نہ ہو۔ اور اگر ایڈور ٹائزنگ ویب سائٹس کی طرف سے ہر قسم کے اشتہارات ڈالے جاتے ہوں جیسا کہ عام طور پر ایسا ہی ہوتا ہے تو اپنی ویب سائٹ پر مختلف جائز وناجائز اشتہارات ڈلواکر پیسے کمانا شرعاً درست نہ ہوگا۔
واللہ تعالیٰ اعلم
دارالافتاء،
دارالعلوم دیوبند