عبادات - حج وعمرہ

Pakistan

سوال # 358

میں یہ جاننا چاہتا ہوں کہ کیا میونسپلٹی کے لحاظ سے منیٰ اب مکة المکرمہ کا حصہ ہے؟ یا انتظامی حدود یا کسی اور معیار سے وہ اب ایک مستقل شہر ہے؟ ہم یہ سوال اس لیے اس لیے کررہے ہیں تاکہ یہ واضح ہوجائے کہ حج کے دوران کیا طریقہٴ کار اپنایا جائے؟


 


جلد جواب کے لیے شکرگزار ہوں گے۔ شکریہ!

Published on: May 23, 2007

جواب # 358

بسم الله الرحمن الرحيم

(فتوى: 81/د=81/د)


 


میونسپلٹی کے لحاظ سے منٰی اب مکہ مکرمہ کا حصہ ہے؟ اس کی تحقیق مکہ مکرمہ کے انتظامی شعبہ سے کرنا چاہیے۔


 


ہماری معلومات کی حد تک منیٰ مکہ مکرمہ سے علیحدہ ایک مقام ہے، وہاں مستقل رہائشی آبادی نہیں ہے، اس لیے بعض علماء اس کو اب بھی علیحدہ جگہ مانتے ہیں، مکہ مکرمہ میں شامل نہیں کرتے ہیں۔ میرے نزدیک بھی چونکہ منیٰ فنائے مکہ میں سے نہیں ہے اس لیے علیحدہ جگہ ہے۔ بعض علماء نے منیٰ کو مکہ مکرمہ کا جز قرار دیا ہے، تحقیقات کا سلسلہ جاری ہے۔ 2،3 ماہ بعد پھر معلوم کرلیجیے گا، ہوسکتا ہے کہ کوئی متفقہ بات سامنے آجائے۔


واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات