عقائد و ایمانیات >> حدیث و سنت
سوال نمبر: 38746
جواب نمبر: 38746
بسم الله الرحمن الرحيم
فتوی: 933-548/L=7/1433 ”مسند احادیث جو نبی کریم صلی اللہ سے صحیح سند کے ساتھ بلا تکرار مروی ہے وہ کل چار ہزار چار سو ہیں“ کا مطلب یہ ہے کہ آنحضرت صلی اللہ علیہ وسلم کی احادیث جو صحیح سند کے ساتھ مروی ہو اور درمیانِ سند کسی طرح کا انقطاع بھی نہیں ہے اور اس میں تکرار بھی نہیں ہے ان کی تعداد چار ہزار چار سو ہیں؛ لیکن احادیث کی اس کے علاوہ صحیح لغیرہ، حسن لذاتہ، حسن لغیرہ، ضعیف نیز منقطع، مرسل، موقوف وغیرہ بہت سی قسمیں ہیں، سب کو حدیث ہی کہا جاتا ہے نیز محدثین کے یہاں مختلف سندوں سے مروی حدیث بھی مختلف شمار ہوتی ہے، یعنی یاگرچہ متن حدیث ایک ہے؛ لیکن مختلف سندوں سے مروی ہونے کی وجہ سے وہ مختلف ہوگی گویا ہرسند سے مروی حدیث مستقل حدیث ہے، اس لحاظ سے احادیث کی تعداد لاکھوں سے متجاوز ہے، تفصیل کے لیے ”حدیث اور فہم حدیث“ اور ”فقہاء الصحابة“ مرتبہ مولانا نعمت اللہ صاحب اعظمی، کا مطالعہ فرمائیں۔
واللہ تعالیٰ اعلم
دارالافتاء،
دارالعلوم دیوبند