عنوان: حدیث كی چنداقسام اور ان كے احكام

سوال: (۱) صحیح حدیث ، حسن حدیث ، ضعیف حدیث، مرسل حدیث کسے کہتے ہیں؟تفصیل سے بتائیں۔ (۲) ان حدیثوں پر عمل کرنے کے کیا شرائط ہیں؟ (۳) کیسے معلوم ہوگاکہ یہ حدیث کس درجہ کی ہے؟

جواب نمبر: 3835101-Sep-2020 : تاریخ اشاعت

بسم الله الرحمن الرحيم

فتوی: 729-109/B=5/1433 جس حدیث کے تمام راوی تقویٰ میں، حفظ حدیث میں کامل درجہ کے ہوں، عقائد بھی صحیح ہوں، ان کی نشست وبرخاست بھی اچھے لوگوں کے پاس ہو، ایسے راویوں کی روایات کردہ حدیث ”صحیح“ کہلاتی ہے۔ اور جس کے راوی پر کسی جگہ کوئی کمی ہو تو وہ حدیث ”حسن“ کہلاتی ہے۔ ”ضعیف“ وہ حدیث ہے کہ جس میں راوی قوی الحفظ نہ ہوں، یا کسی جگہ سند کا انقطاع ہوگیا ہو تو وہ حدیث ”ضعیف“ کہلاتی ہے، حدیث ”حسن“ اور حدیث ”صحیح“ پر تو عمل کرنا ضروری ہے اور ”ضعیف“ حدیث پر فضائل میں عمل کرنا درست ہے، لیکن عقائد واحکام میں ”ضعیف“ حدیث پر عمل کرنا جائز نہیں ہے۔ محدثین نے ہرحدیث کا درجہ متعین کرکے بتادیا ہے کہ یہ حدیث صحیح ہے یہ حسن ہے اور یہ ضعیف ہے۔ اور جہاں صراحت نہیں کی ہے تو علم رجال سے ان تمام راویوں کے حالات دیکھ کر حدیث کا درجہ متعین کیا جاتا ہے۔ یہ بڑے زبردست عالم کا کام ہے۔ ہرایک عالم کے بس کی بات نہیں۔ اور غیرعالم تو اسے سمجھ بھی نہیں سکے گا۔