عقائد و ایمانیات - حدیث و سنت

India

سوال # 165263

عصر کی فرض نماز کے بعد سر پر ہاتھ رکھ کے جو اللہ کا نام یَا قَوِیُّ پڑھا جاتا ہے کیا یہ کرنا کسی حدیث سے ثابت ہے؟ اس کے کرنے کا کیا فائدہ ہے؟ حدیث کا حوالہ ضرور دیں۔

Published on: Oct 17, 2018

جواب # 165263

بسم الله الرحمن الرحيم


Fatwa : 16-27/D=2/1440



قَوِیُّ اللہ تعالی کا صفاتی نام ہے۔ یَا قَوِیُّ کہہ کر اللہ تعالی کو اسی صفاتی نام سے پکارا جاتا ہے جس سے اللہ تعالی کی صفت ”قوت و تقویت“ متوجہ ہوتی ہے جیسے کسی پریشانی کے وقت ”یا رحمٰن “ پکارنے سے اللہ تعالی کی صفت رحمت کو اپنی طرف متوجہ کرنا ہوتا ہے۔ پس جس شخص کے دماغ میں یا حافظہ میں کمزوری ہو وہ اس جگہ (یعنی سر پر) ہاتھ رکھ کر اللہ تعالی کی صفت قوت وتقویت کو اپنی طرف متوجہ کرنے کے لئے یَاقَوِیُّ کہے گا تو حافظہ مضبوط ہو جائے گا اللہ تعالی کے اسمائے صفاتی کی یہ تاثیر ہوگی خاص اس وِرد کا حدیث میں وارد ہونا ضروری نہیں جس طرح کسی پریشانی کے وقت یا رحمٰن کہنا۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات