عقائد و ایمانیات - حدیث و سنت

Pakistan

سوال # 157315

جناب مفتی صاحب میں نے ایک جگہ پڑھا تھا کہ دن میں پانچ نمازوں کے بعد ان سورتوں کو پڑھنے کا بڑا فائدہ ہے ؛
۱- فجرکی نماز کے بعد سورة الیسین،
۲- ظہرکی نماز کے بعد سورة الفتح ،
۳- عصرکی نماز کے بعد سورة النباء،
۴- مغربکی نماز کے بعد سورة الواقعہ،
۵- عشائکی نماز کے بعد سورة الملک
مہربانی فرما کر اس بارے میں مسنون و افضل عمل کی طرف رہنمائی فرما دیں۔

Published on: Dec 14, 2017

جواب # 157315

بسم الله الرحمن الرحيم


Fatwa:329-242/sd=3/1439



(۱تا ۵) صبح کے وقت سورہ یس اور رات میں سورہ ملک اور سورہ واقعہ پڑھنے کی فضیلت احادیث میں وارد ہوئی ہے ، حضرت ابوہریرہ سے روایت ہے کہ جس شخص نے رات میں اللہ کی رضا کے لیے یٰسین پڑھی تو اللہ تعالیٰ اس کی مغفرت فرمادیں گے ۔(طبرانی بحوالہ اتقان۔)حضرت انسسے مروی ہے کہ جو شخص ہر رات یٰسین شریف پڑھنے کا پابند ہو اور پھر وہ انتقال کر جائے ، تو شہادت کا درجہ پائے گا۔ ( طبرانی بحوالہ اتقان)حضرت عبداللہ بن مسعودحضور صلی اللہ علیہ وسلم کا فرمان نقل کرتے ہیں کہ جو شخص ہر رات سورہ واقعہ پڑھے گا، اسے کبھی فاقہ نہیں ہوگا اور حضرت ابن مسعوداپنی بیٹیوں کو حکم فرماتے وہ ہررات سورہ واقعہ پڑھا کرتی تھیں۔ (بیہقی بحوالہ فضائل قرآن) حضرت عبداللہ بن مسعودکی حدیث ہے جو شخص ہر رات سورہ مُلک پڑھے گا، اللہ تعالیٰ اسے عذاب قبر سے محفوظ رکھیں گے ۔ (ترمذی) اور ظہر کے بعد سورہ فتح اور عصر کے بعد سورہ نبا کے سلسلے میں ہمیں کوئی صراحت نہیں مل سکی؛ البتہ عصر کے بعد احادیث میں مستقل دعائیں پڑھنے کی ترغیب آئی ہے ، اس سلسلے میں الحزب الاعظم ، مناجات مقبول وغیرہ سے استفادہ کیا جائے ۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات