عقائد و ایمانیات - حدیث و سنت

Pakistan

سوال # 11229

کیا ایسی کوئی حدیث ہے جس میں نبی کریم صلی اللہ علیہ وسلم نے کسی بستی کے لوگوں کو فرمایا کہ اونٹ کا پیشاب پیو؟

Published on: Feb 28, 2009

جواب # 11229

بسم الله الرحمن الرحيم

فتوی: 337=337/م


 


حدیث مذکور کتب حدیث میں صحیح اس طرح ہے کہ نبی کریم صلی اللہ علیہ وسلم کی خدمت میں قبیلہ عُکل (اور بعض روایات میں عُرینہ کا لفظ ہے) کے کچھ لوگ آئے، اور مسلمان ہوگئے، لیکن مدینے کی آب و ہوا ان کو راس نہ آئی (یعنی وہ بیمار پڑگئے) تو حضور صلی اللہ علیہ وسلم نے ان کو حکم دیا کہ وہ صدقہ کے اونٹ کے پاس جائیں اور ان کا دودھ اور پیشاب پئیں، چنانچہ انھوں نے ایسا ہی کیا، تو وہ شفایاب ہوگئے، پھر وہ مرتد ہوگئے اور چرواہوں کو قتل کردیا اور اونٹ کو ہانک لے بھاگے، تو آپ صلی اللہ علیہ وسلم نے ان کے پیچھے (کچھ حضرات کو) بھیجا، چنانچہ وہ پکڑکر لائے گئے، (پھر آپ صلی اللہ علیہ وسلم نے ان کے لیے جو سزا تجویز کی اس کا ذکر ہے)۔ (دیکھئے مشکاة شریف: ۳۰۷)


واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات