India

سوال # 68742

ہم دبئی میں ایک کمپنی میں کام کررہے ہیں۔ یہاں کمپنی میں مطعم کی سہولت موجود ہے۔ لیکن وہاں ایک غیر مسلم چکن، مٹن اور سبزی بناتا ہے۔ کیا ہم اس مطعم میں کھاسکتے ہیں کیوں کہ وہ غیر مسلم (کافر) ہے۔ براہ کرم بہتر جواب عنایت فرماویں۔

Published on: Jul 25, 2016

جواب # 68742

بسم الله الرحمن الرحيم

Fatwa ID: 894-828/Sd=10/1437

اگر ذبیحہ حلال ہو، تو اس کا گوشت کھانا جائز ہے خواہ بنانے والا کوئی غیر مسلم ہو؛ لہذا صورت مسئولہ میں چکن اور مٹن کھانا اسی وقت حلال ہوگا، جب کہ یقین یا ظن غالب ہو کہ اُس کو حلال طریقے پر ذبح کیا گیا ہے اور کھانے میں کوئی ناپاک چیز شامل نہیں کی گئی ہے، تاہم اگر شک ہو، تو ایسی جگہ گوشت کی چیزیں نہ کھانے ہی میں احتیاط ہے۔

واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات