Saudi Arabia

سوال # 5313

میں انڈیا کا رہنے والا ہوں اور ایک کمپنی میں سکریٹری کی حیثیت سے کام کررہا ہوں جو دنیا کے مختلف حصوں سے جیسے برازیل اور آسٹریلیا وغیرہ سے ٹھنڈی اشیاء خوردنی زیادہ تر چکن / گوشت درآمد کرتی ہے اور اس کو سعودی مارکیٹ میں فروخت کرتی ہے۔ چونکہ مجھے یہ یقین نہیں ہے کہ آیا یہ چکن اور جانور اسلامی طریقہ پر ذبح کئے گئے ہیں یا نہیں، کیوں کہ زیادہ تر ممالک جہاں سے ہم یہ اشیاء درآمد کرتے ہیں وہ مشین سے ذبح کرتے ہیں جو کہ سعودی علماء کی جانب سے حلال اور جائز قرار دئے گئے ہیں۔ مزید برآں اس پر ایک حلال قربانی سرٹیفکٹ ہوتا ہے جوکہ اس ملک کے ایک اسلامک سینٹر کے ذریعہ جاری کیا جاتاہے جس میں اس بات کی تصدیقہوتی ہے کہ یہ چڑیا اور جانور اسلامی طریقہ پر ذبح کئے گئے ہیں۔ میں یہ جاننا چاہتا ہوں کہ آیا اس طرح کی کمپنی میں میرے لیے کام کرنا حلال ہے یا حرام؟

Published on: Jul 28, 2008

جواب # 5313

بسم الله الرحمن الرحيم

فتوی: 1300=1100/ ب


 


بیرون ممالک میں جو چکن وغیرہ کا گوشت مشین کے ذریعہ ذبح ہوکر آتا ہے وہ ذبیحہ اسلامی طریقہ پر نہیں ہوتا۔ سعودیہ کی طرف سے جانور کے حلال ہونے کا جو سرٹیفکٹ دیا جاتا ہے یا جو اسلامک سینٹر اسلامی طریقہ پر ذبح کیے جانے کی تصدیق کرتا ہے، وہ سب مشاہدہ کے بغیر کرتا ہے، اس لیے ایسی کمپنی میں آپ کے لیے کام کرنا مناسب نہیں۔ آپ کسی ایسی کمپنی میں ملازمت کرنے کی کوشش کریں جہاں حلال اور جائز طریقہ پر کام ہورہا ہو۔


واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات