India

سوال # 173501

اگر مکھی وغیرہ کھانے کی اشیاء میں گر جائے تو وہ ماکول شئی ناقابل استعمال ہو جاتی ہے مثلا ایک پاؤ دودھ میں ایک مکھی گر گئی اس طور پر کہ اس کا خون بھی نکل آیا تو اس دودھ کا کیا حکم ہے ؟

Published on: Oct 16, 2019

جواب # 173501

بسم الله الرحمن الرحيم


Fatwa : 92-86/H=02/1441



اگر مکھی وغیرہ کھانے کی چیزوں میں گر جائے تو اس ماکول شیء کے ناپاک ہونے کا حکم نہیں لگایا جاتا، لہٰذا صورت مسئولہ میں دودھ میں مکھی گرنے کی وجہ سے اس دودھ کے ناپاک ہونے کا حکم نہیں لگایا جائے گا کیونکہ اس میں دم مسفوح نہیں ہوتا، پس مکھی کو نکال کر اس دودھ کو استعمال بھی کیا جا سکتا ہے اور طبیعت کی ناگواری کے وقت اس دودھ کو استعمال نہ کرنے میں کوئی گناہ نہیں ہوگا۔ قال النبي - صلی اللہ علیہ وسلم - إذا وقع الذباب في شراب أحدکم فلیغمسہ ثم لینزعہ، فإن في إحدی جناحیہ داءً وفي الأخری شفاء (بخاری شریف، رقم الحدیث: ۳۳۲۰)۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات