india

سوال # 156327

میرا سوال یہ ہے کہ کیا حلال جانوروں کے پائے جو کہ لوگ پکا کر کھاتے ہیں یہ کھانا شریعت میں حلال ہے یا حرام کیونکہ میں نے کسی جاننے والے سے سنا ہے کہ چمڑا کھانا حرام ہے جبکہ پائے میں بھی چمڑا تو شامل ہوتا ہے ۔ براہ کرم تفصیل سے جواب مرحمت فرمائیں۔

Published on: Dec 20, 2017

جواب # 156327

بسم الله الرحمن الرحيم


Fatwa:279-212/B=3/1439



شریعتِ اسلام میں جانور کے گوشت اور کھال کا ایک ہی حکم ہے، یعنی جس طرح گوشت کھانا حلال ہے اسی طرح اس کی کھال کھانا بھی حلال ہے، تمام فقہی کتابوں میں یہ مسئلہ موجود ہے، بالوں کو صاف کرکے چمڑے کو پکاکر کھانا بلاکراہت جائز ہے۔ پائے پکانے سے پہلے لوگ اس کی کھال اور بال کو صاف کرلیتے ہیں پھر اسے پکاکر کھاتے ہیں یہ بلاشبہ حلال ہے۔ کوئی شک وتردد نہ کیا جائے۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات