معاشرت >> تعلیم و تربیت
سوال نمبر: 18614
مشنری
اسکولوں میں مسلمان بچوں کو تعلیم دلانا
انگلش
میڈیم مشنری اسکول میں مسلمان لڑکوں اور لڑکیوں کو پڑھنا کیسا ہے جب کہ اسکول
انتظامیہ بالغ لڑکوں کو جمعہ پڑھنے کی اجازت نہیں دیتی؟
جواب نمبر: 18614
بسم الله الرحمن الرحيم
فتوی(ب): 51=50-1/1431
مشنری اسکولوں میں مسلمان بچوں کو تعلیم کے لیے بھیجنا مفاسد اور خطرات سے خالی نہیں۔ وہ لوگ ہرممکن کوشش کرتے ہیں کہ بچوں میں اسلامی عقیدہ نہ آئیں، بلکہ عیسائی عقائد ونظریات بچوں کے دل ودماغ میں بٹھاتے ہیں اس لیے مسلمانوں کو اپنے معصوم بچوں کے عقائد کی نگہداشت نہایت ضروری ہے۔ اورایسی حالت میں جب کہ بالغ لڑکوں کو جمعہ پڑھنے کی اجازت نہ دیتے ہوں تو ایسے اسکول میں بچوں کو پڑھانا اور بھی نقصان دہ اور ناجائز ہوجاتا ہے۔
واللہ تعالیٰ اعلم
دارالافتاء،
دارالعلوم دیوبند