متفرقات >> دعاء و استغفار
سوال نمبر: 20927
میں چائے اور کھانے پینے کے ائٹم کا کام کرتا ہوں اور بہت چھوٹا کاروبار ہے نیزبہت چھوٹی رقم لگا یا ہوں۔ کوئی ایسی آیت بتادیں کہ جب میں سودا بیچوں یا خریدوں تو نقصان سے بچ جاؤں۔ اور کوئی بھی نیا کام کرنے سے پہلے استخارہ کرلیا کروں، اس کے لیے چھوٹی یا مختصر آیات بتادیں۔ ہمارے پاس ہر قسم کاگاہک آتا ہے تو کیا سب کے لیے استخارہ کرنا پڑتا ہے؟ یا اللہ کے توکل پر کاروبار کروں؟
میں چائے اور کھانے پینے کے ائٹم کا کام کرتا ہوں اور بہت چھوٹا کاروبار ہے نیزبہت چھوٹی رقم لگا یا ہوں۔ کوئی ایسی آیت بتادیں کہ جب میں سودا بیچوں یا خریدوں تو نقصان سے بچ جاؤں۔ اور کوئی بھی نیا کام کرنے سے پہلے استخارہ کرلیا کروں، اس کے لیے چھوٹی یا مختصر آیات بتادیں۔ ہمارے پاس ہر قسم کاگاہک آتا ہے تو کیا سب کے لیے استخارہ کرنا پڑتا ہے؟ یا اللہ کے توکل پر کاروبار کروں؟
جواب نمبر: 20927
بسم الله الرحمن الرحيم
فتوی(ب): 596=483-4/1431
نیا کام کرنے سے پہلے کسی مستند عالم سے اس کے جائز وناجائز ہونے کا مسئلہ دریافت کرلیا کریں، ہرکام کے لیے استخارہ کرنے کی ضرورت نہیں۔ آپ یہ دُعا روزانہ صبح کو ۱۰۰/ مرتبہ اور شام کو ۱۰۰ مرتبہ پڑھ لیا کریں اور اول وآخر ۳-۳ بار درود شریف بھی پڑھ لیا کریں۔ وہ دعا یہ ہے: اللّٰہُمِّ اکْفِنِیْ بِحَلاَلِکَ عَنْ حَرَامِکَ وَأغْنِنِيْ بِفَضْلِکَ عَمَّنْ سِوَاکَ۔
واللہ تعالیٰ اعلم
دارالافتاء،
دارالعلوم دیوبند