متعلقہ سوالات

اعمال قرآن اردو صفحہ 145مصنفہ مولانا اشرف علی تھانوی رحمة اللہ علیہ مطبوعہ جسیم بک ڈپو اردو بازار جامع مسجد دہلی، اور بہت سارے دیگرکتب خانوں سے شائع ہوئی ہے اس میں مذکور ہے کہ اگر کسی عورت کو ماہواری کا خون بہت زیادہ آئے تو سورہ آل عمران کی آیت نمبر ۱۴۴-یعنی(و ما محمد الا رسول قد خلت ․․․․․․․الخ)کاغذ کے تین الگ الگ ٹکڑوں پر لکھی جائے گی، اورایک ٹکڑا عورت کے دائیں اورایک بائیں پیر پر باندھا جائے گا اور ایک ناف کے نیچے لٹکایاجائے گا۔(۱)میں صرف یہ جاننا چاہتا ہوں کہ کیااس طرح سے قرآنی آیات کا استعمال کرنا درست ہے؟ (۲)مجھے قرآن کی آیت یا کسی حدیث کا حوالہ عنایت فرماویں جہاں سے مولانا اشرف علی تھانوی رحمة اللہ علیہ نے اس کو لیا ہے۔ مجھے مستندحوالہ بتائیں۔

یہ میرے دوست کی ایک ذاتی پریشانی ہے۔ میرا دوست ایک انجینئر ہے اور نوکری کررہا ہے۔ اس نے قرآن، تفسیر قرآن، حدیث، فقہ، اصول فقہ اور خوابوں کی تعبیر کا علم پڑھ رکھا ہے۔ اس کی پڑھائی کے زمانہ میں وہ ایک لڑکی کو پسند کرتا تھا۔ اس نے اس نیت سے استخارہ کیا کہ کیا میں اس لڑکی سے شادی کرپاؤں گا یا نہیں؟ اس نے خواب دیکھا کہ وہ لڑکی اس کے والد کو کھانا پیش کررہی تھی۔ اس لیے وہ اس نتیجہ پر پہنچ گیا کہ یہ شادی ممکن ہے۔ اس نے اس بارے میں اللہ سے دعا بھی کی۔ اور وقت گزرنے کے ساتھ ساتھ یہ بات اس کے ذہن میں مضبوطی سے بیٹھ گئی کہ وہ اس سے شادی کرے گا۔ اس نے اس کو اللہ کا وعدہ قرار دیا۔ تعلیم کے بعد اس نے اپنے والد سے اس کے بارے میں کہا۔ اس کے والد نے انکار کردیا۔ اس نے اپنے والد سے کہا کہ برائے کرم استخارہ کرلیجئے۔ اگر یہ چیز میرے لیے اچھی نہیں ہے تو آپ اس کو چھوڑ سکتے ہیں۔ وہ اور اس کے والد نے دوبارہ استخارہ کیا۔ اور آخر میں اس کے والد اس بنیاد پر تیار ہوگئے۔ دوسری جانب لڑکی کے والدین نے کہا کہ وہ لوگ استخارہ کی بنیاد پر فیصلہ کریں گے۔ لیکن اس وقت پریشانی پیدا ہوگئی جب انھوں نے کہا کہ ان کو استخارہ کا اچھا رزلٹ نہیں ملا ہے، اس لیے وہ لوگ اس رشتہ کو قبول نہیں کریں گے۔اب میرا دوست اچھا نہیں محسوس کرتا ہے۔ تمام اسلامی معلومات رکھنے کے باوجود وہ اس بات کو بیان نہیں کرسکتاہے۔ میرے سوالات یہ ہیں کہ(۱) جب اس کا پہلا استخارہ واضح طور پر ایک پیغام دیتا ہے نیز اس کا ذہن اسی طرح سے سوچتا رہا ہے تو کیوں ایسا نہیں ہوا؟ (۲)فرض کیجئے میں پہلا سوال بھول گیا تو اس کے بعد استخارہ کا رزلٹ دونوں جانب مختلف آیا؟ (۳)اس صورت حال کے ساتھ جیسا کہ سوال نمبر 2میں کیا میرا دوست اپنی پوری زندگی میں استخارہ پر یقین کرے گا اپنے تمام علم کے باوجود؟ آپ کا جواب اس کو سیدھے راستہ کی جانب رہنمائی کرسکتا ہے۔

حضرت میری ماں کے گھٹنے میں بہت شدید درد ہوتا ہے اور وہ بے قراری محسوس کرتی ہیں نیز ان کی نیند بہت ہی پریشان کن ہے۔ برائے کرم اس پریشانی سے نجات پانے کے لیے کوئی وظیفہ بتادیں۔

میرا سوال یہ ہے کہ میں جب بھی کوئی تعلیم کی چیز یاد کرتا ہوں میں اسے بھول جاتا ہوں۔ کوئی ایسی دعا بتائیں کہ مجھے وہ تعلیم محنت کرنے کے بعد یاد ہوجائے۔