United Arab Emirates
سوال # 19696
میں لگ بھگ چار سال سے باہر رہتا ہوں کیوں کہ ہماری مجبوری ہے گھر پر ایک میں ہی ہوں کمانے والاہوں جس سے ہم لوگوں کا گزارا چلتاہے ہمارے ساتھ میں اور رشتہ دار بھی رہتے ہیں مجبوری میں جیسے ہماری خالہ خالو اور ان کے بیٹا بیٹی سبھی کی ذمہ داری ہے، اب ہماری شادی بھی ہو گئی ہے۔ چھٹی تو ایک سال پر ہوتی ہے ہمارے پاس کوئی دوسرا راستہ بھی نہیں ہے۔ میں سوچتا ہوں کہ انڈیا واپس آجاؤں اور کچھ کام کروں مگر وہاں کے حالات دیکھنے کے بعد کچھ سمجھ میں نہیں آتا ہے نہ ہی کوئی کام کا ٹھکانہ ہے نہ ہی کوئی کاروبار کا سلسلہ۔ مجھے مہربانی کرکے کوئی مشورہ دیجئے کہ مجھے کیا کرنا چاہیے؟ اور ادھر رہتاہوں تو بیوی کے حقوق پورے نہیں ہوتے اسی لیے میں بہت پریشان ہوں دل بھی ادھر نہیں لگتا ہے بہت مشکل سے میں نے ادھر چار سال کاٹے ہیں۔ دین کے لیے بھی وقت نہیں لگا پاتا ہوں اس لیے بھی زیادہ افسوس ہوتا ہے کہ زندگی بھی نکلتی جارہی ہے۔ اس لیے برائے مہربانی ہمارے لیے دعا بھی کیجئے آپ سبھی حضرات اور کوئی وظیفہ بتادیجئے جو ہر وقت پڑھتا رہوں۔ اللہ آپ لوگوں کو جزائے خیر عطا فرمائے آمین۔
Published on: Feb 24, 2010
جواب # 19696
بسم الله الرحمن الرحيم
فتوی(م): 293=293-2/1431
اپنے وطن (انڈیا) میں اگر جائز اور مناسب روزگارمل جائے تو وطن میں رہنے کو ترجیح دینا چاہیے، اس کے لیے تلاش وکوشش جاری رکھئے، ہرنماز کے بعد تین مرتبہ آیت الکرسی پڑھ کر دعا بھی کیا کیجیے کہ اے اللہ اپنے وطن میں مجھے حلال ذریعہ مقدر فرمادے، فارغ اوقات میں درود شریف بھی پڑھا کیجیے۔ اللہ تعالیٰ آپ کے لیے خیر کا راستہ آسان فرمائے۔
واللہ تعالیٰ اعلم
دارالافتاء،
دارالعلوم دیوبند
اس موضوع سے متعلق دیگر سوالات
کچھ لوگ اعترا ض کرتے ہیں کہ پانی پر قرآنی دعا پھونک کر نہیں پیا جاتا بلکہ انسان کے اوپر دم کرتے ہیں۔ اور یہ کہ حدیث میں کھانے پینے کی چیزوں پر پھونکنا منع ہے۔ آپ سے سوال یہ ہے کہ آپ ہمیں حدیث وغیرہ کے حوالے سے بتائیں کہ رسول صلی اللہ علیہ وسلم اور صحابہ کا عمل پھونکنے کا ثابت ہے، تاکہ ہم اور دوسرے حضرات مطمئن ہوں۔ نیز، جو دودھ کے پیالے کا واقعہ ہے کہ ایک پیالے میں تیس صحابہ نے پیا ، کیا آپ صلی اللہ علیہ وسلم نے اس میں دم کیا یا پھونکا تھا؟ براہ کرم، جواب تفصیل سے دیں تاکہ ہم سب کو تسلی ہوجائے۔جزاک اللہ!
مجھے ایک مسئلہ درپیش ہے۔ میری قوت حافظہ بہت کمزور ہے ، حتی کہ میں قرآن کی چھوٹی آیت سو بار پڑھنے کے بعد بھی یاد نہیں رکھ پاتا۔ کبھی کبھی جب کچھ دنوں میں قرآن پاک سے کچھ یاد کرتا ہوں ، اگر اسے روزآنہ نہ پڑھوں تو بھول جاتا ہوں۔ آپ سے اس سلسلے میں مدد کی درخواست ہے۔
کسی کا واسطہ دے کر اللہ سے دعا کرنا کیسا ہے؟
چلتے پھرتے ذکر کرنا صحیح ہے؟ مثلاً بازاروں میں یا ایسی جگہ پر جہاں گانا بجانا ہوں یا دنیوی باتیں ہورہی ہوں۔
براہ کرم، مجھے قبولیت دعا کا کوئی وظیفہ بتلادیں۔ نیز، میرے لیے دعا فرمائیں۔
میری چچی انگلینڈ میں رہتی ہیں، وہ بیمار ہیں ، ان پر آسیب اور سایہ یا کالا جادو ہے جو کسی رشتہ دار نے کیا ہے۔ انھیں سر میں درد محسوس ہوتا ہے اور بے چینی محسوس ہوتی ہے اور روتی ہیں۔ ان کا نام معراج ہے اور ان کی ماں کا نام مہہ جبیں ہے۔ امید کہ آپ مجھے ان کے علاج کے سلسلے میں کچھ رہ نمائی فرمائیں گے اور ان کا مسئلہ حل کرنے میں میری مدد فرمائیں گے۔ اللہ آپ کو جزائے خیر دے گا۔ امید کہ فوری اور مثبت جواب دیں گے۔
میری بیوی طلاق کا مطالبہ کررہی ہے، لیکن میں اس کو طلاق نہیں دینا چاہتا۔ براہ کرم، مجھے کوئی سورة، کوئی دعا یا ذکر بتلادیں اور میرے لیے دعا فرمائیں۔
براہ کرم، درج ذیل حديث ملاحظہ فرمائیں۔ یہ حدیث واضح طور پر تعویذ پہننے کی مذمت کرتی ہے۔ لیکن میں دیکھتا ہوں کہ دیوبندی علماء اس کو درست مناتے ہیں۔ وہ حدیث یہ ہے: حضرت عقبہ بن عامر رضی اللہ عنہ فرماتے ہیں کہ رسول اللہ صلی اللہ علیہ وسلم نے فرمایا: اگر کوئی تعویذ پہنے، اللہ اس کی حاجت نہ پوری کرے۔ اگر کوئی بحری سیپ پہنے اس کو کچھ آرام نہ ہو۔ (رواہ احمد و حاکم)
میرا سوال یہ ہے کہ کیا ہم کوئی ذاتی پریشانی یا کاروباری برکت کے لیے تعویذات کا استعمال کرسکتے ہیں؟ عام طور پر لوگ یہ کام کررہے ہیں، ایسا کرنا کہاں تک صحیح ہے؟
کسی پریشانی یا روزگار کے لیے ایک وظیفہ ہے جو سورہ یس کا وظیفہ ہے جس میں کچھ لوگ اکٹھا ہوکر ایک سو ایک مرتبہ سورہ یس پڑھتے ہیں اور ایک مٹی کا گھڑا پانی سے بھر کر رکھ لیتے ہیں۔