متعلقہ سوالات

کہا جاتاہے کہ سجدے میں دعا جلد قبول ہوتی ہے۔ اگر ہم نماز کے علاوہ کسی وقت سجدے میں جاکر کوئی قرآنی آیت پڑھ کر دعا مانگیں تو کیا ایسا کرنا صحیح ہوگا؟ کیا سجدے میں قرآن پڑھنا منع ہے؟ کسی نے بتایا کہ سجدے میں جاکر سورہ مریم کی آیت ابتدائی چار آیتیں پڑھ کر اللہ سے اولاد کی دعا مانگی جائے تو وہ قبول ہوگی، کیوں گہ ان آیات میں حضرت زکریا علیہ السلام پر اللہ کی بے پناہ رحمت کا ذکر ہے جب انھوں نے اولاد کے لیے دعا مانگی تھی۔ کہتے ہیں سجدے میں بندہ گویا اپنے رب کے قدموں میں ہوتا ہے، تو کیا سجدے کی جگہ کو عقیدت سے چوما جاسکتا ہے؟

مفتی صاحب میں ایک طالب علم ہوں میری عمر ۲۰/ سال ہے۔میں پڑھنے کے لیے انگلینڈ جانا چاہتا ہوں، جس کے لیے میں نے گزشتہ سال داخلہ لیا ہے اور میرا داخلہ بھی ہوگیا ہے اور تمام اسناد وغیرہ مکمل ہیں۔ بس پتہ نہیں کیوں میرا ویزا کینسل ہوگیا، اور اب میں نے ویزا کے لیے عدالت میں اپیل کی ہوئی ہے جو کہ گزشتہ چھ مہینوں سے عدالت میں ہے۔ اور ابھی تک میرا ویزا نہیں لگ رہا ہے جس کی وجہ سے میں بہت پریشان ہوں۔ میں پانچ وقت کی نماز بھی پڑھتا ہوں اور قرآن پاک بھی، اور صدقہ بھی کرتا رہتا ہوں، لیکن ابھی تک میرا ویزا نہیں لگا۔ اس کی وجہ سے میں اور میرے گھر والے بھی بہتپریشان ہیں۔ اور میں یہ بھی بتانا چاہتا ہوں کہ مجھ سے اور میری فیملی سے کچھ لوگ حسد کرتے ہیں اور ہمارے خلاف بھی توہوسکتے ہیں کہ انھوں نے کچھ کیا ہو۔ میرا مطلب کوئی جادو یا تعویذ لیکن متعین نہیں ہے۔ آپ میرے لیے دعا کریں، اور مجھے پڑھنے کے لیے کوئی دعا یا وظیفہ یا کچھ بتائیں۔ اور اگر کوئی صدقہ بھی ہو تو بتا دیں۔ دعا میں یاد رکھیں۔

عرض یہ ہے کہ بنگلور میں ہماری ایک مسجد میں تقریباً دومہینوں سے فرض نمازوں کے بعد سری دعا ہوتی ہے۔ الحمد للہ ذمہ دار مسجد کواس بات کا علم ہے کہ جہری دعا اپنی خارجی خرابیوں کی وجہ سے بدعت ہے، اس لیے ذہن سازی کے بعد سری دعا پر آمادہ ہوگئے، لیکن افسوس کہ چند فتنہ انگیزوں کی طرف سے فساد اور انتشار کا امکان ہے۔ بنا بریں ذمہ داران مسجد دعاء جہری کا فیصلہ لینے والے ہیں جو اچھا نہیں ہوگا۔ خوبی کی بات یہ ہے کہ ذمہ دار جو بھی فیصلہ لیتے ہیں کوئی اس کو بدل نہیں سکتا محض باہر کے لوگوں کی وجہ سے اور انتشار کی وجہ سے فیصلہ بدلنے پر آمادہ ہوگئے ہیں۔ کیا اس طرح کی کاروائی ذمہ داروں کی طرف سے درست ہے؟ اللہ نہ کرے اگر ایک اندوہناک فیصلہ لیتے ہیں تو امام مسجد کو کیا کرنا چاہیے؟ اپنے مفید مشوروں سے نواز کر ممنون فرمائیں۔ نیز ذمہ داروں کااس طریقہ سے فیصلہ کرنا جب کہ خالص شریعت کا مسئلہ ہے اور ذمہ داروں میں کوئی بھی عالم دین نہیں ہے کیسا ہے؟شہر کے ایک دینی ادارہ سبیل الرشاد سے (قریب کی وجہ سے) دعاء سری کے تعلق سے پوچھا گیا ،تو جواب ملا کہ انتشار نہیں ہونا چاہیے اس لیے جہری دعا ہی کریں۔ اب آپ ہی فرمائیں کہ کیا کیا جائے؟ ایک وضاحت بھی کردوں کہ چار دنوں بعد اجلاس ہونے والا ہے جس میں جہری دعا کا فیصلہ کیا جائے گا۔ آپ سے درخواست ہے کہ اجلاس سے پہلے آپ کا مدلل اور مفصل جواب مل جائے تو فیصلہ کو روکا جاسکتا ہے۔ آپ کا فتوی بہت مفید ثابت ہوگا۔ بنا بریں وقت کی نزاکت کو سامنے رکھتے ہوئے فوراً جواب مرحمت فرماکر احیاء سنت میں تعاون فرماویں۔