Pakistan

سوال # 169877

مفتی صاحب شادی کو چار سال ہو گئے ہیں پر میرے خاوند مجھ سے اولاد نہیں چاہتے ہیں پچھلے 4 سالوں سے ابھی نہیں ابھی کررہے ہیں میں منا منا کر تھک گئی ہوں جتنا مرضی رو لوں منتیں کرو گڑگڑاوں انہیں فرق نہیں پڑتا میری عمر بڑھتی جارہی ہے میں مایوسی کی انتہا پر جا رہی ہوں۔ اب سہا نہیں جارہا مجھے لگتا ہے کہ میں طلاق لے لوں گی میں بانجھ بنکر نہیں رہنا چاہتی بتایں میں کیا کروں کوئی وظیفہ یا کچھ پڑھنے کے لیے بتا دیجئے کہ ان کو مجھ پر رحم آجائے ۔

Published on: May 25, 2019

جواب # 169877

بسم الله الرحمن الرحيم


Fatwa : 907-808/M=09/1440



شادی کے بعد اولاد کی چاہت تو ہر جوڑے کو فطری طور پر ہوتی ہے، معلوم نہیں آپ کے شوہر کن وجوہ سے اولاد نہیں چاہ رہے ہیں! بہرحال آپ صبر سے کام لیں، حکمت کے ساتھ اپنے شوہر کو اولاد کی ضرورت کا احساس دلاتی رہیں، نمازوں کے بعد اللہ تعالیٰ سے خصوصی دعا بھی کریں کہ اے اللہ! میرے شوہر کے دل میں اولاد کی خواہش پیدا فرمادے، اور ہمیں نیک اولاد عطا فرمادے۔ اور یہ دعا پڑھا کریں: رَبِّ لَا تَذَرْنِیْ فَرْدًا وَاَنْتَ خَیْرُ الْوَارِثِیْنَ



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات