متفرقات >> دعاء و استغفار
سوال نمبر: 153802
جواب نمبر: 153802
بسم الله الرحمن الرحيم
Fatwa: 1324-1202/H=11/1438
(۱) رَبَّنَا ہَبْ لَنَا مِنْ أَزْوَاجِنَا وَذُرِّیَّاتِنَا قُرَّةَ أَعْیُنٍ وَاجْعَلْنَا لِلْمُتَّقِینَ إِمَامًا یہ دعا ہر نماز کے بعد اور سوتے وقت سات مرتبہ اول وآخر درود شریف سات سات دفعہ پڑھنے کا اہتمام کرتے رہیں اور گناہوں سے بچنے کا وظیفہ یہ ہے کہ ہمت کرکے گناہ کو چھوڑدیں یعنی عزم اتنا قوی کرلیں کہ خواہ جان نکل جائے مگر گناہ ہرگز نہ کروں گا، اگر عزم وہمت ہی میں کمزوری ہوئی تو پھر گناہ کا چھوٹنا مشکل ہی مشکل دکھلائی دے گا۔
(۲) اللَّہُمَّ اکْفِنِی بِحَلَالِکَ عَنْ حَرَامِکَ، وَأَغْنِنِی بِفَضْلِکَ عَمَّنْ سِوَاکَ اس دعاء کو نمازوں کے بعد اور سوتے وقت نیز چلتے پھرتے اٹھتے بیٹھتے کثرت سے پڑھتے رہیں۔
واللہ تعالیٰ اعلم
دارالافتاء،
دارالعلوم دیوبند