عنوان: گھر میں ہمیشہ بے سکونی کا ماحول رہتا ہے كوئی دعا بتادیں؟

سوال: مجھے آپ سے اپنے گھر کے حالات پر ایک مدد چاہتا ہوں، ہم گھر میں تین افراد ہیں، میں اور میرے ماں باپ، میری ماں پچھلے 15 سالوں سے ڈپریشن ( Depression ]کی مریض ہے اور اب حالت یہ ہو گئی ہے کہ میرے ابا جان میری ماں کی طرف بالکل تلخ مزاج ہو گئے ہیں، میری ماں ان کا یہ مزاج دیکھ کر اور زیادہ بیمار ہو جاتی ہے اور اس بات پر ان میں اکثر لڑائی ہی رہتی ہے ،اس وجہ سے گھر میں ہمیشہ بے سکونی کا ماحول رہتا ہے ، میری آپ سے یہ درخواست ہے کہ اس بارے میں اللہ سے دعا کریں اور مجھے کوئی عمل بتائیں جس سے ان دونوں کے درمیان تعلقات بہتر ہو اور ان کے دلوں میں ایک دوسرے کے لئے محبت پیدا ہو۔ اللہ آپ کے علم و فہم میں برکت دے ۔

جواب نمبر: 14963929-Aug-2020 : تاریخ اشاعت

بسم الله الرحمن الرحيم

Fatwa: 730-669/sn=7/1438

کسی میٹھی چیز پر ۹۹/ دفعہ درج ذیل آیت پڑھ کر دم کریں اور اسے اپنے والد اور والدہ کو کھلائیں، یہ عمل کم ازکم تین روز کریں (مستفاد روحانی نسخے) اور ساتھ ساتھ دونوں کے درمیان محبت اور اتحاد واتفاق پیدا ہونے کے لیے اللہ سے خود بھی دعا کریں اور اپنی والدہ سے بھی دعا کے لیے کہیں، ان شاء اللہ دونوں کے درمیان محبت پیدا ہوگی۔

وَمِنْ آیَاتِہِ أَنْ خَلَقَ لَکُمْ مِنْ أَنْفُسِکُمْ أَزْوَاجًا لِتَسْکُنُوا إِلَیْہَا وَجَعَلَ بَیْنَکُمْ مَوَدَّةً وَرَحْمَةً إِنَّ فِی ذَلِکَ لَآیَاتٍ لِقَوْمٍ یَتَفَکَّرُونَ ۔