متفرقات >> دیگر
سوال نمبر: 146703
جواب نمبر: 146703
بسم الله الرحمن الرحيم
Fatwa ID: 219-161/SN=3/1438
(۱) انٹرنیٹ میں موجود اس طرح کی باتوں پر اعتماد نہیں کرنا چاہئے، کسی پر جادو ہے یا نہیں اس کو جانچنا ”عاملوں“ کا کام ہے؛ اس لیے آپ کسی قابلِ اعتماد عامل سے رجوع کرنا چاہے۔
(۲) ”خواب“ کوئی شرعی دلیل نہیں ہے؛ اس لیے محض خواب کی وجہ سے کسی بات سے متعلق یقین نہ کرنا چاہئے اور نہ ہی کسی کے سلسلے میں بدگمان ہونا چاہئے، آپ حضرات اپنے گھر میں ”سورہٴ بقرہ“ کی تلاوت کا معمول بنائیں، نیز آپ خود یا کسی متقی آدمی سے سورہٴ بقرہ پڑھوا کر پانی میں دم کرالیں اور وہ پانی گھر کے تمام افراد پئیں اور ساتھ ساتھ فیملی کا ہر فرد فرض نماز کے بعد معوذتین پڑھ کر اپنے سینہ اور بدن پر دَم کرلیا کرے، پابندی کے ساتھ اگر یہ عمل کیا جائے تو جادو وغیرہ اگر ہو بھی تب بھی ان شاء اللہ ختم ہو جائے گا نیز آئندہ بھی اس سے حفاظت رہے گی۔
واللہ تعالیٰ اعلم
دارالافتاء،
دارالعلوم دیوبند