عقائد و ایمانیات - فرق ضالہ

Pakistan

سوال # 53597

یہاں کچھ فتنہ پرور لوگ علمائے دیوبند پہ کافی تنقید کرتے ہیں کہ ان کی کتابوں میں کفریات ہیں۔ آپ حقیقت میں بتائیں کہ کیا کسی کتاب میں ہمارے علمائے سے کوئی غلطی ہوئی ہے یا یہ جھوٹی بکواس کرتے ہیں؟ اور برائے مہربانی دیوبند پہ اعتراضات کے جواب میں کچھ مستند کتابوں کے نام بتادیں۔

Published on: Aug 7, 2014

جواب # 53597

بسم الله الرحمن الرحيم

Fatwa ID: 1113-374/L=10/1435-U

مطالعہ اورعلم نہ ہونے کی وجہ سے ان حضرات کو اعتراض ہے اگر وہ حضرات قرآن وحدیث کا گہرائی اور انصاف سے مطالعہ کریں گے تو اکابر علمائے دیوبند کی عبارات پر اعتراض نہ ہوگا۔ اگر کسی عبارت پر کوئی اعتراض ہے تو اس کا جواب قرآن وحدیث کی روشنی میں دیا جاچکا ہے۔ ان کتابوں کا مطالعہ فرمالیں ان میں عبارات اکابر پر کیے جانے والے اشکالات کے جوابات اوران کی صحیح توجیہ پیش کی گئی ہے۔
(۱) عبارات اکابر، موٴلف مولانا سرفراز صفدر صاحب رحمہ اللہ۔
(۲) المہند علی المفند، مولانا خلیل احمد صاحب سہارنپوری رحمہ اللہ۔
(۳) مجموعہ رسائل چاندی پوری دو جلدیں، مولانا مرتضیٰ حسن چاندی پوری رحمہ اللہ۔
(۴) حسام الحرمین کا تحقیقی جائزہ، حضرت مولانا الیاس گھمن صاحب۔
(۵) جواب حاضر ہے۔ حضرت مولانا نظام الدین قاسمی۔
(۶) غلط فہمیوں کا ازالہ، حکیم الاسلام قاری محمد طیب صاحب رحمہ اللہ۔

واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات