عقائد و ایمانیات - فرق ضالہ

India

سوال # 25077

آپ کے نزدیک بریلوی کافر ہیں یا مسلمان؟

Published on: Sep 4, 2010

جواب # 25077

بسم الله الرحمن الرحيم

فتوی(ھ): 1817=1329-9/1431

جن بریلویوں کی بریلویت بدعات کی حد تک ہو، اُن پر کفر کا حکم نہیں اور جو بریلوی ضروریاتِ دین سے منکر ہو یا عقائد شرکیّہ رکھتا ہو۔ یا حضراتِ امہات الموٴمنین رضی اللہ عنہن میں سے کسی کے حق میں گستاخانہ بکواس بکتا ہو، یا اہل حق علماء اہل سنت والجماعت کے کلام میں دجل وتلبیس مکر وفریب، فراڈ وکتروبیونت کرکے زبردستی کفر کشید کرتا ہو وغیرہ وغیرہ اُس بریلوی کی سلامتیٴ ایمان واسلام مشکل ہے اور جس بریلوی کے کلام میں تاویل کی گنجائش نکل سکتی ہو، اس کے کلام میں حقیقی اہل سنت والجماعت اکابر علماء تاویل کرکے اُس کے ایمان کو بچانے کی کوشش کرتے ہیں اور جو بریلوی کفر کو اختیار کرلے خواہ اس کو کوئی کافر کہے یا نہ کہے بلکہ چاہے کچھ لوگ اس کو بزرگ بھی سمجھتے ہوں، مگر عند اللہ تعالیٰ وہ دائرہٴ اسلام سے باہر ہے۔

واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات