عقائد و ایمانیات - فرق ضالہ

Pakistan

سوال # 17975



مہدوی
فرقہ کے بارے میں تفصیلی حالات درکار ہیں۔



Published on: Dec 1, 2009

جواب # 17975

بسم الله الرحمن الرحيم



فتوی(ھ):2315=1855-12/1430



 



جونپور
میں ایک شخص پیدا ہوا تھا جس کو سید محمد جونپوری کہا جاتا ہے، اس نے
۹۰۵ہجری میں اپنے متعلق مہدی
ہونے کا دعویٰ کیا جب کہ احادیث صحیحہ صریحہ میں جو علامات امام مہدی علیہ السلام
کی بتلائی گئی ہیں وہ علامت وشناخت اس میں موجود نہ تھی، مہدوی فرقہ کا عقیدہ ہے
کہ سید محمد جونپوری کی تصدیق فرض ہے، جو مسلمان
۹۰۵ھ کے بعد آئے اور آئندہ
آئیں گے ان میں جو سید محمد جونپوری کو مہدی نہ مانیں گے وہ سب (نعوذ باللہ منہ
مہدیوی فرقہ کے نزدیک) کافر مطلق ہوں گے اور مسلمان صرف مہدوی فرقہ کے لوگ ہوں گے یہ
اور اسی جیسے نظریاتِ واہیہ و عقائد باطلہ خود مہدوی فرقہ کی کتابوں میں لکھے ہیں،
علامہ ابورجاء محمد رحمہ اللہ نے ایک کتاب [ہدیہء مہدویہ] لکھی ہے اس میں مہدوی
فرقہ کی کتابوں سے عقائد فاسدہ نقل کیے ہیں، اس سے زیادہ تفصیل مطلوب ہو تو فتاویٰ
رحیمیہ جلد ہفتم (ص
۳۹
تا ص
۸۰) مطبوعہ
راندیر سورت گجرات) (ب) مشکاة شریف کی شرح مرقاة جلد دہم ص:
۱۷۹ (مطبوعہ ملتان) (ج) [ہدیہٴ
مہدویہ] ملاحظہ کریں۔




واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات