عبادات - احکام میت

India

سوال # 159465

کیا فرما تے ہیں مفتیان کرام درج ذیل مسائل کے بارے میں 1 مسجد کی محراب کی طرف گلی ہے ، اب تک نماز جنازہ اسی گلی میں ادا کی جاتی رہی ہے ، اب کچھ لوگ کہتے ہیں کہ مسجد کی محراب میں دروازہ کھول کر جنازہ مسجد کے باہر رکھ دیا جائے اور امام اور دو یا چار آدمی مسجد کے باہر کے حصہ میں کھڑے ہوجاے باقی مسجد میں کھڑے ہوجائیں تو کیا اس طریقے سے نماز جنازہ ادا کی جاسکتی ہے ؟
(2) مسجد کی زمین جو خریدی گئی تھی تعمیر مسجد کے وقت کچھ حصہ محراب کی طرف گلی کا مسجد میں داخل کرلیا گیا تھا اب اسی طرح نماز ہوتی ہے ، آدھا مصلی مسجد کی زمین میں ھے آدھا مسجد کی زمین سے الگ ہے تو اس صورت نماز کا کیا حکم ہے ؟
براہ مہربانی مفصل و مدلل جواب مرمت فرمائیں ۔

Published on: Mar 28, 2018

جواب # 159465

بسم الله الرحمن الرحيم


Fatwa:682-565/B=7/1439



بغیر سخت مجبوری کے احناف کے نزدیک نماز جنازہ مسجد میں پڑھنا مکروہ ہے خواہ جنازہ باہر و یا جنازہ اور کچھ مصلی باہر ہوں اور کچھ اندر ہوں، یا جنازہ اور نمازی سب مسجد میں ہوں۔ ہرحال میں مسجد کے اندر نماز جنازہ مکروہ ہے۔



(۲) اس صورت میں نماز تو ہوجائے گی لیکن امام کو مسجد کا ثواب نہیں ملے گا، امام صاحب کو چاہیے کہ اور پیچھے کھڑے ہوکر نماز پڑھائیں، گلی کا حصہ مسجد میں بلا اجازت داخل کرنا جائز نہیں۔



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات