عبادات >> احکام میت
سوال نمبر: 1405
کیا انتقال کے بعد بیوی کو دیکھنے کی اجازت نہیں ؟
چند روز قبل میرے ایک دوست کی والدہ کا انتقال ہوا۔ اس وقت وہاں ایک صاحب موجود تھے، انھوں نے بتایا کہ بیوی کے انتقال کے بعد میاں بیوی کے مابین رشتہ ٹوٹ جاتا ہے (یعنی شوہر بیوی کا محرم ہوجاتا ہے) اور اسے بیوی کو دیکھنے کی اجازت نہیں ہوتی۔ کیا یہ بات صحیح ہے؟ اس شبہہ کی وضاحت فرمائیں۔
جواب نمبر: 1405
بسم الله الرحمن الرحيم
فتوی: 426/ د= 423/د
جی ہاں یہ بات صحیح ہے کہ رشتہ زوجیت ختم ہوجاتا ہے اس لیے خاوند کو بیوی کا بدن چھونا ہاتھ لگانا جائز نہیں ہے، لیکن دیکھنا منع نہیں ہے۔ خاوند اپنی مرحومہ بیوی کو دیکھ سکتا ہے اس کا تابوت (جنازہ) اٹھاسکتا ہے۔ یہ بات عوام میں غلط مشہور ہے کہ شوہر بیوی کو دیکھ بھی نہیں سکتا۔ قال في الدر ویمنع زوجھا من غسلھا ومسھا لا من النظر إلیھا علی الأصح. (شامي: ج1 ص633)
واللہ تعالیٰ اعلم
دارالافتاء،
دارالعلوم دیوبند