عقائد و ایمانیات >> دعوت و تبلیغ
سوال نمبر: 23462
جواب نمبر: 23462
بسم الله الرحمن الرحيم
فتوی(م): 1091=1091-7/1431
مقصد یہ ہے کہ سب لوگ خدا کی وحدانیت کے قائل ہوجائیں کہ معبود ایک ہے اور رسالت وآخرت پر ایمان لے آئیں۔ تمام ابنیاء علیہم السلام نے اسی کی تعلیم دی ہے،نیز اسلام ایک پاکیزہ مذہب ہے جو انسانیت کا درس دیتا ہے، اخوت وبھائی چارہ سکھاتا ہے، رواداری کی تعلیم دیتا ہے، ظلم وتشدد سے منع کرتا ہے، عدل وانصاف اور امن وسلامتی قائم کرنا چاہتا ہے،انسانیت کا حد درجہ احترام کرتا ہے اور انسان تو انسان، بے زبان جانوروں کے ساتھ بھی حسن سلوک کی تعلیم دیتا ہے۔ قرآن شریف یہ اللہ کی طرف سے نازل کردہ وہ مقدس کتاب ہے جو شکوک وشبہات سے بالاتر ہے اور اللہ سے ڈرنے والوں کے لیے ہدایت کا ذریعہ ہے، سورہٴ بقرہ کی بالکل ابتدائی آیت میں اللہ نے فرمایا: الٓمٓ ذلِکَ الکِتَابُ لاَ رَیْبَ فِیْہِ، ہُدًی لِّلْمُتَّقِیْنَ۔
واللہ تعالیٰ اعلم
دارالافتاء،
دارالعلوم دیوبند