عقائد و ایمانیات - دعوت و تبلیغ

India

سوال # 11218

میں اس امت کا غم (فکر) پانے کے لیے کیا کروں جو کہ نبی کریم صلی اللہ علیہ وسلم کا غم تھااس کے بارے میں مجھے آپ کا مشورہ درکار ہے۔ کیا اس کا کوئی عمل ہے؟ میں بہت زیادہ سوتا ہوں آپ مجھے کوئی عمل بتادیں جو کہ نیند کو کم کردے اور مجھے عبادت میں مشغول کردے؟

Published on: Feb 26, 2009

جواب # 11218

بسم الله الرحمن الرحيم

فتوی: 387=38/د


 


اس امت کا غم پانے کے لیے ضروری ہے کہ اولاً آپ خود اعمال شرعیہ کی پابندی کریں، گناہوں سے اجتناب کا کلی اہتمام کریں، ثانیاً امت کے موجودہ حالات پر غور کریں، ان کی دینی بے راہ روی اور دین سے دوری کو سوچا کریں کہ کس طرح امت میں دین پیدا ہو، نیز کفار کے بارے میں بھی یہ سوچیں کہ یہ بھی میرے نبی کی امت ہیں ان کو کس طرح کفر سے نکالا جائے کس طرح یہ لوگ اللہ وحدہ کا انکار کرکے کفر وشرک میں زندگی گذار رہے ہیں، اگر ایمان نہ لائے تو ہمیشہ دوزخ میں جلنا پڑے گا اور خود غور وفکر کرنے کے ساتھ ساتھ ایسے فکر مند علماء وصلحاء کی صحبت اختیار کریں۔


(۲) نیند کم آنے کے لیے مقررہ وقت میں آپ نیند پوری کرنے کی کوشش کریں، نیز پانی کم پیا کریں۔


امت کا غم پانے کے لیے مذکورہ بالا افعال کے ساتھ وقت نکال کر ہرسال چلہ چار مہینے کی جماعت میں جایا کریں۔ (ل)


واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات