عقائد و ایمانیات - دعوت و تبلیغ

Pakistan

سوال # 11199

تقوی کا مطلب آسان لفظوں میں سمجھا دیں۔

Published on: Mar 2, 2009

جواب # 11199

بسم الله الرحمن الرحيم

فتوی: 350=241/ل


 


تقویٰ کے معنی بچنے اور اجتناب کرنے کے ہیں، تقویٰ کا حاصل یہ ہے کہ آدمی اللہ کے خوف سے اس کے اوامر کو بجالائے اور منہیات سے رک جائے، تقویٰ کے کئی درجات ہیں، ادنیٰ درجہ کفر و شرک سے بچنا ہے، اس معنیٰ کے لحاظ سے ہرمسلمان کو متقی کہا جاسکتا ہے، دوسرا درجہ جو اصل میں مطلوب ہے وہ ہے اس چیز سے بچنا جو اللہ تعالیٰ اور اس کے رسول صلی اللہ علیہ وسلم کے نزدیک پسندیدہ نہیں، تقویٰ کے فضائل و برکات جو قرآن وحدیث میں آئے ہیں وہ اسی درجہ پر موعود ہیں، تیسرا درجہ تقویٰ کا اعلیٰ مقام ہے جو انبیاء علیہم السلام اوران کے خاص نائبین اولیاء اللہ کو نصیب ہوتا ہے، کہ اپنے قلب کو ہرغیر اللہ سے بچانا اور اللہ کی یاد اور اس کی رضا جوئی سے معمور رکھنا۔ (مستفاد من معارف القرآن: ۲/۱۲۷)


واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات