India

سوال # 432

میں جاننا چاہتا ہوں کہ دادی کے شرعی حقوق و احکام کیا ہیں؟

Published on: May 23, 2007

جواب # 432

بسم الله الرحمن الرحيم


(فتوى: 534/ج=534/ج)


 


دادا، دادی اور نانا، نانی شرعاً مثل ماں، باپ کے ہوتے ہیں، اس لیے ان کے حقوق وہی ہیں جو ماں، باپ کے ہیں، علماء نے قرآن و حدیث کی روشنی میں ماں باپ کی حیات میں ان کے سات حقوق بیان کیے ہیں، وہ یہ ہیں:


(1)    عظمت دل سے ان کو بڑا ماننا۔


(2)    محبت، دل سے ان کو چاہنا اور ان سے محبت کرنا۔


(3)    اطاعت، جائز امور میں ان کی فرمانبرداری کرنا۔


(4)    خدمت، انھیں مالی یا جسمانی جس طرح کی خدمت کی ضرورت ہو پوری کرنا۔


(5)    فکر راحت، ان یک راحت و آرام کیا خیال رکھنا۔


(6)    رفع حاجت، ان کی ضرورت پوری کرنا۔


(7)  گاہ گاہ ان کی ملاقات و زیارت، اگر دوسرے کے پاس یاکہیں اور رہتے ہوں تو کبھی کبھی ان سے ملنے اور خیریت معلوم کرنے کے لیے جانا۔ یہی حقوق دادی کی حیات میں دادی کے بھی ہیں، اور دادی کے شرعی احکام سے آپ کی کیا مراد ہے؟ وضاحت فرمائیں، پھر ان شاء اللہ اس کا جواب دیا جائے گا۔


واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات