Pakistan

سوال # 130986

کیا 30 سال یا اس سے کچھ کم زیادہ کی عمر والا مرد اپنی اہلیہ کو خوش کرنے کے لیے کالا خضاب اپنے بالوں میں لگا سکتا ہے ؟

Published on: Oct 3, 2016

جواب # 130986

بسم الله الرحمن الرحيم

Fatwa ID: 1172-1171/M=12/1437

بالوں میں کالا خضاب لگانا ممنوع و مکروہ ہے بعض فقہاء نے بیوی کو خوش کرنے کے لیے شوہر کو کالا خضاب لگانے کی گنجائش دی ہے لیکن احناف کے یہاں اس پر فتوی نہیں ہے عام مشایخ حنفیہ کا مسلک یہ ہے کہ کالا خضاب مطلقاً مکروہ تحریمی ہے اور اسی پر فتوی دیا جاتا ہے اس لیے صورت مسئولہ میں ۳۰/ سالہ شخص کو کالا خضاب استعمال کرنے سے اجتناب کرنا چاہئے۔ قال فی الذخیرہ: أما الخضاب بالسواد للغزو لیکون أہیب فی عین العدو فہو محمود بالاتفاق وإن لیزین نفسہ للنساء فمکروہ وعلیہ عامة المشایخ وبعضہم جوزہ بلا کراہة الخ (درمختار)

واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات