معاملات - بیع و تجارت

Pakistan

سوال # 174449

ہم قسطوں پر گاڑیاں فروخت کرتے ہیں ، بعض اوقات خریدار قسطوں کی رقم مکمل ہونے سے پہلے نقصان ہونے کی بنا پر مزید قسطیں نہین بھر سکتا ، تو ہم اس سے گاڑی واپس خرید لیتے ہیں ، یہ صورت بہت شاذو نادر ہوتی ہے اور ہم شروع میں نہ تو طے کرتے ہیں کہ ہمیں فروخت کرے گا اور نہ دونوں کے دل میں کوئی ایسی بات ہوتی ہے ،کیا اس طرح وہ گاڑی اس سے دوبارہ ہنارا خریدنا درست ہے یا نہیں ؟

Published on: Jan 2, 2020

جواب # 174449

بسم الله الرحمن الرحيم


Fatwa:191-237/SD=5/1441



اگر متعینہ قسطوں پر گاڑی فروخت کرکے مشتری کے حوالہ کردی گئی اور مشتری نے گاڑی کا استعمال شروع کردیا؛ لیکن کسی وجہ سے وہ بعض قسطیں اداء نہ کرسکا، تو بائع کے لیے اپنی بیچی ہوئی گاڑی مشتری سے خریدنے کی گنجائش ہے اور کم قیمت پر بھی خریدنا درست ہے؛ اس لیے کہ گاڑی استعمال کرنے کی وجہ سے اس کی قیمت کم ہوگئی، لہذا کم قیمت پر واپس خریدنا مبیع میں تصرف کی وجہ سے ہوگا ۔( مستفاد از: فقہ البیوع: ۵۵۰/۱)



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات