معاملات - بیع و تجارت

Pakistan

سوال # 164412

اگر ایک دوائی آج سو روپے پر فروخت کی جائے جس پر قیمت بھی بنانے والے نے سو روپے لکھی ہے جبکہ کمپنی نے دوکاندار کو نوے روپے پر دی ہے کچھ دن بعد خریدار یہی دوائی واپس کرتا ہے تو اب اس کو کس حساب سے واپس کیا جائے ؟

Published on: Sep 5, 2018

جواب # 164412

بسم الله الرحمن الرحيم


Fatwa:1420-1175/sd=12/1439



 اگر بائع سامان واپس لینے کے لیے تیار ہے ، توجتنی قیمت پر اُس نے سامان فروخت کیا تھا، اتنی ہی رقم خریدار کو واپس کرنی ہوگی، اُس سے کم رقم واپس کرنا جائز نہیں ہوگا ۔



قال المرغینانی: الإقالة جائزة فی البیع بمثل الثمن الأول" لقولہ علیہ الصلاة والسلام: "من أقال نادما بیعتہ أقال اللہ عثرتہ یوم القیامة" ولأن العقد حقہما فیملکان رفعہ دفعا لحاجتہما "فإن شرطا أکثر منہ أو أقل فالشرط باطل ویرد مثل الثمن الأول"۔ (الہدایة: ۵۵/۳، باب الاقالة)



واللہ تعالیٰ اعلم


دارالافتاء،
دارالعلوم دیوبند

اس موضوع سے متعلق دیگر سوالات