میں آپ سے کچھ بہترین کتابوں کے نام جاننا چاہتاہوں جس سے نماز، روزہ،زکوة، حج وغیرہ مسائل کے بارے میں تفصیلی معلومات حاصل کی جاسکے؟ بنیادی مسائل تو میں نے تعلیم الاسلام اور تعلیم الحق وغیرہ کتابوں سے پڑھ چکا ہوں۔ برائے کرم مہربانی فرمائیں۔

بالغہ قریب البلوغ یعنی مراہقہ اورمشتہات لڑکیوں کا اقامتی مدرسہ درست ہے یا نہیں؟ اگر درست ہے تو کس صورت میں؟ اوراگر درست نہیں تو مفاسد اور وجوہ کیا ہیں؟ مدلل و مفصل جواب مرحمت فرمائیں۔

علم اور معلومات میں کیا فرق ہے؟

ہر بچہ فطر ت اسلام پر پیدا ہوتا ہے۔ اس کا کیا مطلب ہے وضاحت فرماویں۔

مسلمان عورت کا سرکاری اسکول میں ٹیچر کی حیثیت سے کام کرنا کیسا ہے؟

نئی شادی شدہ عورت کے لیے کوئی بہترین کتاب بتادیں؟

میں بنگلور میں سوفٹ ویئر انجینئر کی حیثیت سے کام کرہا ہوں ۔بچپن سے بڑی تمنا اورارادہ ہے کہ میں عالم بنوں لیکن میں پورا نہیں کرپایا۔ ہمارے گاؤں میں ایک مولانا سید مخدوم محی الدین قاسمی صاحب ہیں میں نے ان کے پاس پڑھنے کی کوشش کی مگر پوری نہیں ہوئی۔ میری عمر پچیس سال کی ہے اور اگلے چار یا پانچ ماہ میں شادی کرنے کا ارادہ ہے ان شاء اللہ۔ میں آپ سے بڑی امید سے یہ سوال کررہا ہوں۔ کیا ایسا کوئی راستہ ہے جس سے میں عالم بن سکتا ہوں۔ رحم کرکے نہ مت کہیے گابلکہ مجھے کوئی راستہ بتائیے گا۔ مرنے سے پہلے میں اللہ کا کلام اور حدیث سیکھنا چاہتا ہوں۔ میرے کو اللہ کے قریب ہونا ہے۔ جب بھی کسی عالم کے بارے میں سنتا ہوں جو دنیاوی پڑھائی کے بعد بھی عالم بن جاتے ہیں تو دل پریشان ہوجاتا ہے۔ اور دل میں تڑپ ہونے لگتی ہے کہ نہ جانے میں کب عالم بنوں گا۔ کیا دیوبند میں ایسا کچھ انتظام ہے جس سے میں عالم بن سکتا ہوں؟ امید ہے کہ آپ میرے اس سوال کا جواب جلدی دیں گے۔

میں ایک انڈین مسلم ہوں اور سعودی عربیہ میں کام کرتا ہوں۔ میرے دوبچے ہیں ایک لڑکا (محمد ریاض الدین عمر تقریباًچھ سال) اور ایک لڑکی (سمیہ عمر تقریباً چار سال) ہے۔ میری بیوی کا نام مرحومہ طلحہ جہاں (متوفی 6/مئی 2008) اس کا انتقال اپنے والدین کے ساتھ رہنے کے دوران بیماری میں ہوا۔ میرے ساس اورسسر کا بھی انتقال ہوچکا ہے۔ ہمارے والد صاحب زندہ ہیں اورانڈیا میں ہمارے ساتھ رہتے ہیں جب کہ میری ماں کا بھی انتقال ہوچکا ہے۔میرے بھائی اور بہن بھی ہیں۔ میری بیوی کے انتقال کے بعد میرے سالے نے میرے بچوں کو زبر دستی اپنی تحویل میں لے لیا اوروہ یہ کہتے ہیں کہ صرف وہی لوگ ہیں جو کہ بچوں کی دیکھ بھال کریں گے اور ان کی پرورش کریں گے اوروہ ہمیں ہمارے بچوں سے بھی ملنے نہیں دیتے ہیں۔ اورمیرے سالے اورسالی مجھے اس بات پر بھی مجبور کرتے ہیں کہ مجھے ہی ان کی پرورش کے تمام اخراجات برداشت کرنے ہوں گے اور ان کا کہنا ہے کہ مجھے ماہانہ ان کو تمام اخراجات دینے ہوں گے اور میرے بچوں کے نام پر ایک فکس ڈپوزٹ بھی جمع کرنا ہوگا۔ میرا لڑکا ایک اچھے اسکول میں پڑھ رہا تھا لیکن میرے سالے اور سالیوں نے میرے لڑکے کو اس اسکو ل سے نکلواکر کے اس کو ایک بہت ہی گھٹیا قسم کے اسکول میں داخل کرادیاہے۔ میرے سسرال والے جاہل اور لالچی ہیں اور ان کی رہنے کی حالت بہت خراب ہے اور وہ صرف نام کے مسلمان ہیں۔ میں اپنے بچوں کو اپنی تحویل میں لینا چاہتا ہوں تاکہ میں اپنے بچوں کی پرورش اسلام کے مطابق کرسکوں اور ان کواچھی تعلیم دے سکوں، لیکن وہ لوگ میرے بچوں کودینے سے منع کررہے ہیں۔ میں آپ کی رہنمائی اور فتوی کا طلب گار ہوں۔ جلدی جواب کا منتظر، کیوں کہ آپ کا فتوی میرے بچوں کی زندگی بچاسکے گا۔

اسکولوں میں آٹھویں اور دسویں جماعت کے لڑکے اور لڑکیوں کے سالانہ پروگرام منعقد کئے جاتے ہیں جس میں بچے ڈرامہ میں شریک ہوتے ہیں اور میاں اور بیوی یا ماں اور بچوں کا کردار ادا کرتے ہیں اگرچہ وہ سب غیر محرم ہوتے ہیں۔ نیز یہ کردار/کرتب ناظرین کے ذریعہ دیکھے جاتے ہیں جو کہ غیر محرم ہوتے ہیں۔ کیا بچوں کے لیے اسٹیج پراس طرح کے کرادار اداکرنا جائز ہے؟برائے کرم جواب عنایت فرماویں۔

کیا اسلامی نقطہ نظر سے فائنانس میں ایم بی اے کا کورس کرنا درست ہے؟

انڈیا کے اسکولوں میں طلباء کا سنسکرت سیکھنا کیسا ہے؟ مسلم اسکولوں اور مدرسوں میں سنسکرت کو بطور ایک زبان کے پڑھانا کیسا ہے؟

ایک شخص دوسری شادی کرتا ہے جب کہ پہلی بیوی سے اس کے دو بچے ہیں۔ ایک لڑکی تقریباً چار سال کی اورایک لڑکا آٹھ مہینہ کا۔ وہ پہلی بیوی کو طلاق دے دیتا ہے اور بچے اپنی ماں کے ساتھ رہتے ہیں۔ کیا اب اس شخص کو بچوں کی دیکھ بھال کے لیے پیسہ دینا پڑے گا؟ برائے کرم ہمیں بتائیں کہ اوپر مذکور دونوں بچوں کے خرچ اور دیکھ بھال کے لیے ماہانہ رقم کے بارے میں کیسے فیصلہ کریں گے؟

کیا بہشتی زیور کوئی کتاب ہے؟ اس میں کیامشمولات ہیں؟ کیا یہ عام لوگوں کے لیے مفید ہے؟

الحمد للہ میرا بچہ حفظ کررہا ہے لیکن لگ بھگ چارسال سے کررہا ہے۔ میں چاہ رہا تھا کہ وہ جلدی حفظ مکمل کرکے اسکول کی تعلیم پھر مدرسہ کی تعلیم پوری کرے تاکہ آنے والے دنوں میں اسلام کی دعوت وہ غیر مذہبوں میں کرے۔ اور دنیا کو یہ بتائے کہ اسلام مذہب ایک پرامن مذہب ہے۔ قرآن کریم پوری انسانیت کے لیے اتارا گیا ہے۔ بچپن کا حافظہ کافی تیز ہوتا ہے چونکہ مجھے میرے بچوں کا کافی علم دلانا ہے اس لیے اگر حفظ قرآن شریف آدھے میں روک دے تو کیا یہ گناہ کا کام ہوگا؟

میں اتر دیناجپور کا رہنے والا ہوں۔ میں جہاں رہتاہوں وہاں پر لوگ اپنی بیٹیوں کی شادی اٹھارہ سال سے پہلے ہی کروادیتے ہیں۔ پوری طرح جسم میں بالیدگی ہونے سے پہلے شادی کرنے کی وجہ سے لڑکیاں بچہ جنم دیتے وقت کافی تکلیف اٹھانی پڑتی ہے اور بچہ بھی چھوٹا پیدا ہوتا ہے۔ جیسا کہ اسلام میں ماں باپ یا ولی کا پہلا فرض اولاد کو تعلیم دلانا ہوتا ہے، اس تعلیم کا معیار کیا ہونا چاہیے؟ ایک ?لڑکی کو تعلیم یافتہ? ہونے سے کیا مطلب ہے؟ ایک لڑکی اگر پڑھنا چاہے اور ماں باپ اس کو نہیں پڑھوائیں،اور بغیراس کی مرضی جانے اس کی شادی دلادیں تو کیاماں باپ کاایساکرنا صحیح ہے؟تعلیم یافتہ عورت شوہر کی عزت اور بال بچوں کی پرورش اور اپنے مذہب کے سارے فرائض کو صحیح ڈھنگ سے انجام دے سکتی ہے۔ یہ بات کہاں تک اسلامی نقطہ سے صحیح ہے؟

میری ایک تین سال کی بچی ہے میں اس کو کون سے میڈیم والے اسکول میں داخل کروں؟

اگر كسى لڑکی کی ماں مر چکی ھو اور لڑکی کے سارے رشته دار مثلاً خالة, پھوپھی, ناني نانا, دادي دادا , والد سوتيلى ماں وغيره موجود هوں تو اس كى پرورش كون اور كس عمر تك كریگا ؟ اور اس لڑکی کے اخراجات كا كون ذمه دار ھوگا؟

میں ایک لڑکی ہوں اوریہاں ہالینڈ میں کالج جاتی ہوں، لیکن گھر پر ابو بہت ڈانٹے ہیں، کیوں کہ ان کے نزدیک کالج جانا جائز نہیں۔ کیا یہاں پر کالج جانے کی اجازت ہے یا نہیں؟ (لڑکے لڑکیاں ایک ساتھ ہوتی ہیں)۔ اور تعلیم حاصل کرنا حدود کے اندر اس سے کیا مراد ہے؟

مجھے یہ جاننا ہے کہ اگر بالغ لڑکی قرآن کی تعلیم حاصل کررہی ہو تو ماہواری کے دنوں میں وہ کیسے قرآن پڑھے گی، ذرا تفصیل سے بتائیں؟